Propradire ĝi estas tipa memserva lavejo, kiuj ekzistas multaj tra tuta Eŭropo. Sed mi certas, ke ne ĉiuj turistoj scias kiel uzi ĉi tiun mirindan servon. Eble ĉi tiu rakonto estos utila al iu. Ekzemple, mi kiel la tipa norda barbaro guglis antaŭ la vizito kiel memserva lavejo funkcias.
Mi certas, ke mia nomo estas Legio!
Lavado de vestaĵoj dum vojaĝo estas tute grava afero. Stirantoj de UAZ-aŭtoj, diable, neniam estas puraj. Almenaŭ mi certe neniam estas pura! Se mi alproksimiĝas al la aŭton pura – mi nepre foriras kun makulo de la transmisia lubrikoleo.
Mi certas, ke se en la mondo ne ekzistus UAZ-aŭtoj, la kemia industrio ne inventus aparte fortajn lavpulvorojn kaj mazuto-forigilojn.
En patrino Naturo, kiel vi eble memoras, mi uzas mallaboreman, surogatan metodon por lavi vestaĵojn en riveroj. La akvo estas la bazo de ĉia vivo. La viva natura rivero mem scias, kio sur vestaĵoj estas malpuraĵo kaj kio estas ornamo.
Bedaŭrinde, ĉi tiu metodo ne funkcias en Eŭropo. Riveroj stringitaj en rektangulajn kanalojn el ŝtalo kaj betono perdas sian purigan potencon. Io alia devas esti inventita. Ion pli laborintensan kaj malpli naturan.
Dum mallonga komercvojaĝo en Rusio kaj najbaraj landoj, oni povas simple lavi ŝtrumpetojn en la lavkuvo, sed dum longa vojaĝo al Portugalio ĉi tiu metodo ne taŭgis. Lavkuvoj estis malgrandaj, la kranoj havis stultajn dozilojn, kaj en hoteloj estis malmulte da radiatoroj por sekigado.
Ĉu mi ŝatis ĝin aŭ ne, la vizito al memserva lavejo estis nepra.
Trovi lavejon estis facile, ili estas disĵetitaj tra tuta Lisbono. Serĉu la vorton “Lavandaria” kaj eniru.
Sed grave kompreni, ke la angla ne estas parolata ĉie. Kaj anglalingvaj ŝildoj ankaŭ ne estas haveblaj ĉie.
Mi montru al vi kiel memserva lavejo funkcias per ekzemplo
Jen estas “Lavandaria Portuguesa” – la tipa memserva lavejo. Tipa el la plej tipaj.
Ĉi tiuj entreprenoj estas malfermitaj de frua mateno ĝis malfrua nokto. Dum malokupitaj tempoj, de la 7a ĝis la 12a horo kaj de la 14a ĝis la 17a horo lavado estas pli malmultekosta. Por ni, por turistoj kiuj malŝparas tempon je tarifo de 10 eŭroj hore, ĉi tio ne gravas!
Interne estas tri lavmaŝinoj (por 8, 10 kaj 12 kg) kaj tri sekigiloj (por 18 kg).
En la fora angulo estas speciala spaco por gladado.
Studu la instrukciojn kaj prezliston. Ĉio estas kalkulita. Malvarma akvo estas pli malmultekosta, varma akvo estas pli multekosta. Malgranda lavmaŝino estas pli malmultekosta, granda lavmaŝino estas pli multekosta…
La prezo inkluzivas lavpulvoron kaj aliajn kemiaĵojn. La inteligentaj lavmaŝinoj aldonas ilin aŭtomate. Ne necesas preni ilin ien ajn aŭ dozi mem.
De tie ĉio estas simple. Ĵetu la kalsono-ŝtrumpetojn en lavmaŝinon, elektu programon, ŝarĝu la bezonatan nombron da moneroj, startigu procezon, kaj kviete atendu rezulton.
Senpaga vi-fi-o estas havebla por sidi kaj atendi.
Do, mia lavado en 12-kg lavmaŝino (pli malgrandaj estis okupataj kaj mi ne volis atendi) kostis 5 eŭrojn. Plie, sekado per delikata ciklo kostis 1.8 eŭrojn. Sume: 6.8 eŭroj por ĉio. Kaj mi elspezisis unu horon da tempo.
Ŝajnas al mi, ke per tiaj prezoj la memserva lavejo superas lavadon en lavkuvo.
La sola afero, kiu devas esti preparita, vi bezonas monerojn. Lavmaŝinoj ne akceptas monbiletojn aŭ kartojn.
Oni povas uzi specialan monŝanĝilon por tio.
Bonan lavadon!